“Kurtlar Vadisi”nin oyunçuları arasında böyük eşq macərası

“İsgəndər Böyük” “qızı” ilə kafedə öpüşərkən yaxalanıblar

Türkiyənin “Show TV” kanalında yayımlanan “Kurtlar vadisi pusu” serilaında “İsgəndər Böyük” rolunu canlandıran Musa Uzunlar sevgilisi ilə kameralara yaxalanıb.


Lent.az-ın məlumatına görə, aktyorla gənc sevgilisinin şəkillərini “Fox Tv”də yayımlanan “Bizdən Qaçmaz” maqazin proqramının müxbirləri çəkiblər. Onlar İstanbuldakı bir kafedə görüntüləniblər.

Maraqlıdır ki, Musa Uzunların sevgilisi serialda onun qızı “Funda” xarakterini canlandıran İpək Qarapınardır. Kafedə səmimi söhbət edən cütlük tez-tez dodaq-dodağa öpüşüb. Hətta İpək özündən 25 yaş böyük olan sevgilisinin əlini öpərkən görüntülənib.

Kafedən çıxarkən media mənsublarını qarşılarında görən cütlük təəccüblənib. Musa Uzunlar “şəxsi həyatıma qarışa bilməzsiniz”, deyərək jurnalistləri hədələyib.

Qeyd edək ki, aktyorun 50, aktrisa sevgilisinin isə 25 yaşı var. Teatr və musiqi dərsləri alan İpək 4 bölümdür, serialda oynayır. O, “İsgəndər”in qızını canlandırır.

LENT.AZ