Google-dən elektron poçt və çat hibridi

Google şirkəti elektron poçt və ani ismarıc mübadiləsi sistemini bir araya gətirən Google Wave (dalğa) servisini nümayiş etdirib.

Google Wave tərtibatçıları öz istifadəçilərinə eyni zamanda redaktə olunması, mətn və ya təsvirin əlavə olunması, ümumi və fərdi hissələrə bölünməsi mümkün olan bir “dalğada” ünsiyyət qurmağı təqdim edirlər.

“Dalğa” özündə sənəd, çat sessiyası və elektron məktub silsiləsini birləşdirir. Bundan əlavə həmin “dalğa” Şəbəkədə yerləşdirilə bilər. Həmçinin öz saytının bir hissəsini bu “dalğaya” çevirmək mümkündür. Misal üçün , bloqerlər öz yazılarını diskussiyalar üçün nəzərdə tutulmuş meydana çevirə bilərlər. Burada adi şərh pəncərəsindən daha çox imkanlar təqdim olunur. Yeni xidmətin tərtibatçıları onun dəqiq istifadəyə verilmə tarixi barədə açıqlama vermirlər. Onlar qeyd edirlər ki, hələ ki Google Wave-də düşünülmüş bütün funksiyalar realizə olunmayıb.

Mincom