Kağız pul nədən hazırlanır?

Dolların cırılması üçün onun bir neçə min dəfə qatlanıb-açılması lazımdır

Məlum olduğu kimi, kağız ilk dəfə Çində ixtira edilib. Bu səbəbdən də ilk kağız pul da Şərqdə istifadəyə verilib. Qərb ölkələrində kağız əskinaslar XVII əsrin sonlarında dövriyyəyə buraxılıb. Onun yayılması kapitalist quruluşunun formalaşması ilə bağlıdır. Həmin vaxt iqtisadi artım tempi daha əlverişli pul dövriyyəsinə tələbatı artırırdı. Məhz kağız əskinaslar tələbata tam cavab verirdi.

XVIII əsrdə kağız əskinaslar artıq bütün Avropada istifadə olunurdu. Amma kağız əskinasların da mənfi cəhətləri var idi. Çox istifadə edildiyindən tez yararsız vəziyyətə düşürdü. Hazırda bu problem "kağızın keyfiyyətini" artırmaqla aradan qaldırılır.

Məsələn, ABŞ dolları 75 faiz pambıq, 25 faiz kətandan ibarətdir. Bundan başqa, əskinaslar sintetik liflərlə möhkəmləndirilib. Dolların cırılması üçün onun bir neçə min dəfə qatlanıb-açılması lazımdır. Avstraliya, Braziliya, Çin, Rumıniya və bir sıra xarici ölkələrdə əskinaslar xüsusi plastik kütlədən hazırlanır. İndi pullarda onun saxtalaşdırılmasının qarşısını almaq üçün qoruyucu elementlərdən istifadə edirlər.

// Üç Nöqtə